Digital Intelligence ဖြင့် ဘရာဇီးမူးယစ်ဂိုဏ်အား ဖြိုခွင်းခြင်း – အပိုင်း ( ၂ )
တကယ့်ခေါင်တွေဖြစ်တဲ့ မူးယစ်ရာဇာကြီးတွေကိုဖမ်းမိဖို့နဲ့ သူတို့ရဲ့ပိုင်ဆိုင်မှုတွေခြေရာခံမိဖို့ Digital Intelligence (DI solutions) တွေကိုသုံးတယ်။ ဆဲလ်ဖုန်းတွေ၊ ကွန်ပျူတာတွေနဲ့ အခြား ဒီဂျစ်တယ် devices တွေကနေ data extractions ပြုလုပ်ပေးမယ့် Cellebrite UFED အပါအဝင် တခြားလိုအပ်မယ့် Tools အားလုံးကို Secco က သူ့အဖွဲ့အတွက် အပြည့်အစုံဖြည့်ဆည်းပေးလိုက်တယ်။ Cloud မှာရှိတဲ့ Social-Media Data တွေ၊ Instant Messaging တွေ၊ File Storage တွေ၊ Web Pages နဲ့ အခြား Content တွေက အချက်အလက်တွေကို ရယူနိုင်ဖို့အတွက်ကိုတော့ UFED Cloud ကို အသုံးပြုတယ်။ တစ်ယောက်နဲ့တစ်ယောက်၊ အချက်အလက်တစ်ခုနဲ့တစ်ခုကြား ချိတ်ဆက်မှုတွေကို သိနိုင်ဖို့အတွက်ကိုတော့ Powerful Analytics Solution ဖြစ်တဲ့ Pathfinder ကို အသုံးပြုလုပ်ဆောင်ခဲ့တယ်။
နောက်ထပ်တဆင့်ကတော့ စုံစမ်းစစ်ဆေးရေးမှာ နိုင်ငံတကာရဲ့ပူးပေါင်းပါဝင်မှုကိုရယူနိုင်ဖို့ပဲဖြစ်တယ်။ မူးယစ်ဆေးရောင်းဝယ်ဖောက်ကားသူတွေနဲ့ ပတ်သက်ဆက်နွယ်နေတဲ့ ငွေကြေးခဝါချမှုတွေစုံစမ်းစစ်ဆေးတဲ့ အစောပိုင်းကာလကတည်းကပင် အဲ့ဒီအဖွဲ့အစည်းတွေဟာ တစ်ကမ္ဘာလုံးအတိုင်းအတာနဲ့ပါဝင်ပတ်သတ်နေတယ်ဆိုတာ သိသာထင်ရှားပါတယ်။ မူးယစ်ရာဇာတွေရဲ့ ဘဏ်အကောင့်တွေ၊ ပိုင်ဆိုင်မှုတွေကလည်း ကမ္ဘာအနှံ့မှာရှိနေတယ်။ Europol ကဲ့သို့ ဥပဒေစိုးမိုးရေးအေဂျင်စီများရဲ့ ပူးပေါင်းမှုမရှိရင် မူးယစ်ရာဇာကြီးတွေရဲ့ ပိုင်ဆိုင်မှုတွေကို သိမ်းဆည်ဖို့ဆိုတာ ဘရာဇီးနိုင်ငံပြင်ပမှာ လုပ်ဆောင်နိုင်ဖို့ မဖြစ်နိုင်ပါဘူး။
အဖွဲ့ဝင်တွေအနေနဲ့ အလုပ်လုပ်ရင်းဇာတ်ရည်လည်လာတော့ မူးယစ်ဂိုဏ်းတွေမှာ ဘယ်သူကအဓိက ဇာတ်ကောင်လဲဆိုတာ ခွဲခြားလာနိုင်ပြီး တကယ်အရေးပါတဲ့ ဘဏ်စာရင်းတွေကိုလည်းခြေရာခံလာနိုင်တယ်။ Cloud Analysis ကရတဲ့အချက်အလက်တွေကြောင့် သူတို့ပိုင်ဆိုင်တဲ့ ကားတွေ၊ လေယာဉ်တွေ၊ အပျော်စီးဇိမ်ခံသင်္ဘောတွေကိုပါ ရှာနိုင်လာတယ်။ Pathfinder ဆိုတဲ့ Analytics Solution ကို သုံးပြီး အပိုင်းအပိုင်းအစအစ ဖြစ်နေတဲ့ သဲလွန်စအထောက်အထားကို စုဆောင်းပြီး တခြားရာဇဝတ်မှုမှာပါဝင်နေတဲ့သူတွေကိုပါ ရှာနိုင်လာတယ်။
မူးယစ်ဂိုဏ်းတစ်ခုကို အဆုံးသတ်ဖြိုခွင်းပြီးတဲ့နောက် လူ ၄၅ ယောက်ကို ဖမ်းဆီးရမိပြီး သူတို့ရဲ့ ပိုင်ဆိုင်မှု ဒေါ်လာ သန်းပေါင်းများစွာကို သိမ်းဆည်းနိုင်ခဲ့တယ်။ ပေါ်တူဂီကအဝေးပြေးလမ်းမပေါ် က ကားတစ်စီးပေါ်မှာ ယူရို ၁၂ သန်းဖမ်းဆီးရမိခဲ့တယ်။ စပိန်က Malaga မှာဆိုရင် မူးယစ်ရာဇာရဲ့ ယူရို ၂.၅ သန်းတန် ဇိမ်ခံအိမ်ရှိပြီး ဒေါ်လာသန်း၂၀ တန်လေယာဉ်လဲရှိတယ်။ အဲဒါကြောင့် နိုင်ငံတကာရဲ့ပူးပေါင်းဆောင်ရွက်မှုကသိပ်ကိုအရေးကြီးတယ်။ သူတို့ခေါင်းဆောင်ကတော့ ဥရောပဘက်ထွက်ပြေးလွတ်မြောက်သွားပြီး သူ့လက်ထောက်တွေနဲ့ အခြားပါဝင်တဲ့သူတွေကို ဖမ်းဆီးရမိလိုက်တယ်။
ဖမ်းဆီးရမိတဲ့ ၄၅ ယောက်စလုံးက တကယ်အရေးပါအရာရောက်တဲ့သူတွေဖြစ်တယ်။ သူတို့က ငွေကြေးခဝါချတာတွေ နောက် မူးယစ်သယ်ယူပို့ဆောင်ရေးလမ်းကြောင်းကိုတာဝန်ယူတဲ့သူတွေနဲ့ ပိုင်ဆိုင်မှုတွေမှာလဲသူတို့နာမည်တွေပါဝင်နေတာတွေ့ရတယ်။ သူတို့ကိုဖမ်းမိလိုက်တာ သူတို့အဖွဲ့တစ်ခုလုံးပြိုလဲသွားအောင်လုပ်နိုင်လိုက်တယ်။
မူးယစ်ဂိုဏ်းတွေကို ပိရမစ်တစ်ခုလိုမြင်ကြည့်လိုက်မယ်ဆိုရင် အောက်ခြေကလူတွေကိုဖမ်းမိတာက သိပ်တော့အရေးမကြီးဘူး ပိရမစ်ထိပ်က ခေါင်တွေကိုမိဖို့လိုတယ်။ သူတို့ကိုမိရင် သူတို့အဖွဲ့အစည်းကပုံစံပျက်သွားပြီလို့ပြောနိုင်တယ်။ Secco က မူးယစ်အမှုတွေက ဘယ်တော့မှပြီးဆုံးသွားတယ်ဆိုတာမရှိဘူး။ သူတို့ပိုင်ဆိုင်မှုတွေကိုလိုက်ရင်း သူ့အဖွဲ့က တခြားရာဇဝတ်မှုတွေကိုလဲ လိုက်ရတာလဲရှိနေလို့လို့ဆိုပါတယ်။
သိပ်မကြာသေးခင်က နိုင်ငံတကာပူးပေါင်းဆောင်ရွက်မှု နောက်ဆက်တွဲအနေနဲ့ အရှေ့အလယ်ပိုင်းစောင့်ကြည့်တဲ့အဖွဲ့တစ်ဖွဲ့ရဲ့အစီရင်ခံစာအရ လက်ဘနွန်နိုင်ငံကနေလာတဲ့ ဘရာဇီးနိုင်ငံသားခံယူထားသူ Assad Khalil Kiwan ကို ဘရာဇီးဆိပ်ကမ်းတွေကနေ ဥရောပကို ကိုကင်းအမြောက်အမြားတင်ပို့မှုရဲ့ အဓိက ကြိုးကိုင်သူအဖြစ် ဘရာဇီးဖက်ဒရယ်ရဲတပ်ဖွဲ့ကဖမ်းဆီးခဲ့တယ်ဆိုတာဖော်ပြထားတယ်။ စပိန်၊ ကိုလံဘီယာ၊ပေါ်တူဂီနဲ့ ယူအေအီး နိုင်ငံတို့က ဖမ်းဝရမ်းထုတ်ထားတဲ့အလိုရှိနေတဲ့ရာဇဝတ်သားလည်းဖြစ်တယ်။ သန်း ၄၀၀ တန်ပိုင်ဆိုင်မှုတွေနဲ့ ကိုကင်းတန် (၅၀) ပါသိမ်းဆည်းရမိခဲ့တယ်လို့ဆိုပါတယ်။
စစ်ဆင်ရေးတွေကို ဆက်လက်ဖော်ပြပေးသွားပါ့မယ်။
Operation Caixa Forte II
ဒီစစ်ဆင်ရေးမှာဆိုရင် ဖမ်းဆီးရမိတဲ့ ဖုန်းတစ်လုံးတည်းကနေ Secco လိုချင်တဲ့ အရာတွေရလိုက်တယ်။ ဖမ်းဆီးဝရမ်း ၄၂၂ ခု နဲ့ ရှာဖွေသိမ်းဆည်းဝရမ်း ၂၀၁ ခု တို့ထုတ်ပြန်ခဲ့ရပြီး ဘရာဇီးငွေ ၂၅၂ သန်း (အမေရိကန်ဒေါ်လာ ၄၆ သန်း) ကို သိမ်းဆည်းလိုက်နိုင်တယ်။ ဒီစစ်ဆင်ရေးမှာ သူတို့အဖွဲ့အစည်းရဲ့အဓိကချက်ကောင်းကိုထိသွားတယ်။ Cellebrite Solutions တွေကိုသုံးပြီး ခေါင်းဆောင်တွေ၊ ဝယ်သူတွေ ပြီးတော့ ငွေနဲ့ပိုင်ဆိုင်မှု အလွှဲအပြောင်းလုပ်တဲ့သူတွေကို ဖမ်းဆီးရမိတဲ့ဖုန်းတွေကပေးတဲ့ ဒေတာကိုသုံးပြီး စုံစမ်းလိုက်နိုင်တယ်။ Cellebrite Pathfinder ကိုသုံးပြီး ခေါင်းဆောင်တွေရဲ့ ဘဏ်စာရင်းတွေ ငွေပေးချေမှုတွေ ခေါင်းဆောင်တွေဆီကို ဘယ်သူတွေကပိုက်ဆံပေးခဲ့တယ်ဆိုတာနဲ့ ပေးဖို့ရှိနေတဲ့သူတွေရဲ့နာမည်တွေကိုပါခြေရာခံလိုက်နိုင်တယ်။
ပိုင်ဆိုင်မှုတွေကိုများသောအားဖြင့် ခေါင်းဆောင်တွေကသူတို့နာမည်နဲ့ထားတာရှားပါတယ်။ ဒါပေမဲ့ ဖုန်းတွေကရတဲ့အချက်အလက်ကိုကြည့်ပြီး စုံစမ်းတဲ့သူတွေက ငွေကြေးပိုင်းဆိုင်ရာတာဝန်ခံအရာရှိတွေဆီကနေ ဘဏ်စာရင်းပိုင်ဆိုင်တဲ့သူတွေရဲ့ ငွေကြေးဆိုင်ရာအချက်အလက်တွေကိုတိုက်ရိုက်တောင်းခံနိုင်ပြီး မူးယစ်ခေါင်းဆောင်တွေရဲ့ ငွေလမ်းကြောင်းကိုအလွယ်တကူပဲလိုက်နိုင်တယ်။
Operation King of Crime
ဒီစစ်ဆင်ရေးမှာတော့ ကုမ္ပဏီ ၇၀ ကျော်ကိုပိတ်ပင်တာတွေနဲ့ ဘရာဇီး ငွေ သန်း ၇၃၀ ရှိတဲ့ ဘဏ်အကောင့်တွေကိုပိတ်လိုက်တယ်။ ရာဇဝတ်ဂိုဏ်းတွေက အပိုင်စီးထားတဲ့ မော်တော်ဆိုင်ကယ် ၉ စီး၊ ဟယ်လီကော်ပတာ ၂ စီး၊ ဇိမ်ခံသင်္ဘော ၁ စီး၊ ရေယာဉ် ၃ စီး၊
ထရပ်ကား ၅၈ စီး၊ နောက်တွဲယာဉ် နဲ့ သုံးဘီးတွဲယာဉ် ၄၂ စီး တို့အပြင် ဘရာဇီးငွေ ၃၂ သန်း သိမ်းဆည်းရမိခဲ့တယ်။
Operation Status
ဘရာဇီးနဲ့ ပရာဂွေးမှာ မူးယစ်ဆေးရောင်းဝယ်ဖောက်ကားနေသူတွေဆီကနေ ပိုင်ဆိုင်မှု ၄၂ ခုအပါအဝင် ဘရာဇီးငွေ သန်း ၂၃၀ ( ဒေါ်လာ ၄၃.၄၄ သန်း) ၊ မြေယာ ၂ခု၊ ယာဉ် ၇၅ စီး၊ လှေသင်္ဘောတွေနဲ့ လေယာဉ်ပျံ တွေသိမ်းဆည်းရခဲ့တယ် တန်ဖိုးအားဖြင့် ဒေါ်လာ ၁၅ သန်းလောက်ရှိမယ်။
Operation Alem mar
ဒီစစ်ဆင်ရေးမှာတော့ ထရပ်ကား ၄၂ စီး၊ ပိုင်ဆိုင်မှု ၃၅ ခု၊ လေယာဉ် ၇ စီး၊ ဟယ်လီကော်ပတာ ၅ စီး နဲ့ ဘရာဇီးငွေ ၆၂ သန်းတန်ဖိုးရှိတဲ့ ကိုကင်း ၁.၅ တန် ( ဒေါ်လာ ၁၁.၃ သန်း) တို့ကိုသိမ်းဆည်းရခဲ့ပြီး ဘရာဇီးငွေ သန်း ၁၀၀ ( ဒေါ်လာ ၁၈.၃ သန်း) ရှိတဲ့ ဘဏ်အကောင့်တွေကိုလည်းရဲတပ်ဖွဲ့ကပိတ်လိုက်တယ်။
Operation Cavok
ဒီစစ်ဆင်ရေးမှာတော့ လေယာဉ်အသေးစား ၂၃ စီး၊ ကျေးလက်မှာပိုင်ဆိုင်မှု ၄ ခု၊ ဇိမ်ခံတိုက်ခန်း ၁ ခန်း၊ ယာဉ် ၅ စီး၊ သေနတ် ၈ လတ် နဲ့ ဆဲလ်ဖုန်း ၂၅ လုံး ကိုဖမ်းဆီးရမိခဲ့တယ်။ ဒါတွေအားလုံး စုစုပေါင်းတန်ဖိုးက ဘရာဇီးငွေ သန်း ၄၀ ရှိတယ်။ ဒီစစ်ဆင်ရေးမှာပဲ ရဲတပ်ဖွဲ့က ငွေသားသပ်သပ် အမေရိကန်ဒေါ်လာ ၃ သိန်းအပြင် ရတနာမျိူးစုံ ၃၆ ခုပါသိမ်းဆည်းလိုက်နိုင်တယ်။
သိမ်းဆည်းရမိတဲ့ငွေတွေကို ဘာလုပ်သလဲ
ဘရာဇီးနိုင်ငံရဲ့ ဥပဒေအရသိမ်းဆည်းရမိတဲ့ငွေတွေကို ရဲတပ်ဖွဲ့ကသုံးခွင့်ရှိတယ်။ သိမ်းဆည်းရမိတဲ့ ငွေတွေရဲ့ ၄၀ ရာခိုင်နှုန်း က နောက်ထပ်မူးယစ်ဂိုဏ်းတွေကိုဖြိုခွင်းတဲ့အခါ လိုအပ်တာတွေအတွက် အသုံးပြုခွင့်ရှိတယ်။
ကျန်တဲ့ ၆၀ ရာခိုင်နှုန်းကတော့ SENAD (Secretaria Nacional de Políticas sobre Drogas) လို့ခေါ်တဲ့ မူးယစ်ဆေးအရောင်းအဝယ် တားဆီးရေး ပရောဂျက်တွေလုပ်တဲ့အဖွဲ့ဆီကိုရောက်သွားတယ်။ SENAD ဆိုတာ ရဲတပ်ဖွဲ့တွေအတွက် နိုင်ငံတော်ဆိုင်ရာအထွေထွေအတွင်းရေးမှုးရုံးဖြစ်ပြီး တရားရေးဝန်ကြီးဌာနနဲ့လည်းတိုက်ရိုက်ချိတ်ဆက်ထားတယ်။
CGPRE လို ရဲတပ်ဖွဲ့တွေအနေနဲ့ မူးယစ်အမှုနဲ့ပတ်သက်သမျှ ဖမ်းဆီးနိုင်ရေးအတွက် လိုအပ်တဲ့ ရန်ပုံငွေကို SENAD ကိုတောင်းခံနိုင်ပြီး သိပ်မကြာသေးခင်ကပဲ Secco က ဘရာဇီးရေပိုင်နက်တွေမှာ မူးယစ်ရောင်းဝယ်တာတွေဖမ်းဆီးဖို့ လက်နက်ကိရိယာတပ်ဆင်ထားတဲ့ ရေယာဉ်တွေဝယ်ဖို့အတွက် အသုံးစရိတ် သန်း ၃၀ ကိုရရှိထားတယ်။
ဒီလိုဖမ်းဆီးရမိတဲ့ငွေတွေကို ကိုယ့်ရဲတပ်ဖွဲ့ကို ပြန်ပြီးအသုံးပြုခွင့်ရရှိခြင်းက အဖွဲ့ဝင်တွေကိုလည်း စွမ်းဆောင်ရည်ကိုအမြင့်ဆုံးထားပြီးအသုံးချဖို့လည်းအခွင့်အရေးရစေတယ်။ အဖွဲ့ဝင်တွေအနေနဲ့လည်း ရန်ပုံငွေတွေပိုပြီးသိမ်းဆည်းရမိလေ မူးယစ်ရောင်းတာတွေဖမ်းဆီးတဲ့နေရာမှာ ပိုပြီးအားထုတ်ရလေဖြစ်ပြီး ပိရမစ်ထိပ်ပိုင်းကိုလည်းတဖြေးဖြေးအားနည်းသွားအောင်လုပ်လာနိုင်တယ်။
မေးစရာရှိတာက ဒီမူးယစ်အမှုတွေက ဘယ်တော့မှမပြီးဆုံးနိုင်ဘူးလား ဆိုတဲ့မေးခွန်းပါ။ ပြီးဆုံးဖို့တော့ အလားအလာနည်းပါတယ်။ ဒါပေမဲ့ Secco ကတော့ အနာဂတ်မှာဒါတွေအဆုံးသတ်မယ်လို့ အကောင်းမြင်ယုံကြည်နေပါတယ်။
ဆက်ရန်
./Team MrLinuxer
